აჭარაში სასოფლო-სამეურნეო მიწის ფართობების უფასო დამუშავების პროექტი გრძელდება.
პროექტის მიმდინარეობას, რომელიც ადგილობრივი ფერმერების ხელშეწყობისთვის ხორციელდება, აჭარის ავტონომიური მთავრობის წარმომადგენლები დაესწრნენ და შეაფასეს.
„სასოფლო-სამეურნეო სამუშაოების მიმდინარეობას აჭარის მთავრობის თავმჯდომარე თორნიკე რიჟვაძე სოფლის მეურნეობის მინისტრთან ერთად ქობულეთის მუნიციპალიტეტში გაეცნო. პროგრამის ფარგლებში 2022 წელს აჭარაში 2100 ჰა ფართობი დამუშავდება. დღეის მდგომარეობით უკვე დამუშავებულია 850 ჰა მიწის ფართობი“ – აღნიშნულია ინფორმაციაში
