ახალქალაქში, წუხელ გვიან სროლის შედეგად დაჭრილი 36 წლის მამაკაცი თბილისში გადაიყვანეს.
„გუშინ შემოიყვანეს 1986 წელს დაბადებული მამაკაცი, ის უკვე თბილისში კლინიკა „ვივამედიში“ იქნა გადაყვანილი, დაშავებულს ექვსი ჭრილობა აქვს მიყენებული, აქედან სამი შემავალი ჭრილობა გულ-მკერდის და მუცლის ღრუს არეში, ასევე დაზიანებული აქვს წვრილი ნაწლავი. მდგომარეობა სტაბილურია, მაგრამ მძიმე“,- განაცხადა ახალქალაქის რეფერალური ჰოსპიტალის დირექტორმა, ალექსანდრე თოროსიანმა.