უკრაინის საელჩო ესპანეთში ფეისბუკზე წერს, რომ ქალაქის ხელისუფლების გადაწყვეტილებით, აღდგომის წინა, ვნების კვირის განმავლობაში, სევილიის მხარეში მდებარე ქალაქ ფუენტეს-დე-ანდალუსიას უკრაინა ერქმევა.
საელჩოს ცნობით, ქალაქის მცხოვრებთა ინიციატივით, უკრაინისადმი სოლიდარობის ნიშნად, ზოგიერთ ქუჩას დროებით კიევის, მარიუპოლის, ხარკოვის, ხერსონის და ოდესის სახელები უწოდეს.
უკრაინის დიპლომატიური წარმომადგენლობის ინფორმაციით, ფუენტეს-დე-ანდალუსიაში 7200 ადამიანი ცხოვრობს და ის მზად არის მიიღოს ომს გაქცული უკრაინელები, რომლებიც თავშესაფარს ესპანეთში ეძებენ.
