თითქმის ყოვ
ელთვის, მსოფლიო ჩემპიონატის დროს, მედია, ფოტოგრაფები ყურადღებას ამახვილებენ გულშემატკივრებზე და სხვადასხვა სპორტული გამოცემები “ჩემპიონატის დედოფალსაც” კი ასახელებენ.
კატარში მიმდინარე მუნდიალზე კი ყურადღება ხორვატიის ნაკრების მომხიბვლელმა ფანმა, მოდელმა ივანა ნოლიმ მიიპყრო.
ყოფილი “მის ხორვატია” ყურადღების ცენტრში განსაკუთრებით მას შემდეგ მოექცა, რაც ხორვატიის საგულშემატკივროდ მოედანზე სექსუალური და თამამი სტილით გამოჩნდა. მან სოციალურ ქსელში შეტყობინებები მიიღო, რომელთა ავტორებიც “კატარელთა შეურაცხყოფაში” სდებდნენ ბრალს და ემუქრებოდნენ, რომ კატარის “კულტურის კოდექსის დარღვევისთვის, დააკავებდნენ.”
მსოფლიოს 2022 წლის ჩემპიონატის ყველაზე სექსუალური ფანი ამბობს, რომ დოჰაში გამგზავრებამდე ჰქონდა მოლოდინი, რომ მსგავსი რამ მოხდებოდა, თუმცა ივანა ნოლის თქმით, ამ საკითხზე დიდად არ დარდობდა.
ივანას გამომწერების რაოდენობამ “ინსტაგრამზე” უკვე 1 მილიონს გადააჭარბა, მადლობას კი ის შემდეგი ფოტოთი იხდის:
ივანამ TMZ Sports-თან განმარტა, რომ არ აპირებს კატარელთა მიმართ უპატივცემულობის გამოხატვას, მაგრამ თვლის, რომ ყველამ ის უნდა ჩაიცვას, რაც მათ კულტურას შეესაბამება.
“არასდროს მქონია იმის შიში, რომ შეიძლება ვინმეს იმის გამო დავეკავებინე, თუ ვინ ვარ. არ ვფიქრობ, რომ ერთმანეთს ჩაცმულობის გამო უნდა ვაწყენინოთ. თუ ჩემი სტილი იმსახურებს დაკავებას, მაშინ დამიჭირეთ“, – ამბობს მოდელი.
მოდელის თქმით, მუქარის შემცველ მესიჯებს ძირითადად ტროლებისგან იღებს, ხოლო რეალურად კატარელებს მისი სტილი ძალიან მოსწონთ.
“როცა ადგილობრივებს ვხვდები, ისინი მიღებენ ისეთს, როგორიც ვარ, კატარში უკვე ყველა მიცნობს. ვხედავ, რომ მათ მოვწონვარ და მიღებენ“, – ამბობს მოდელი.
ივანა ნოლი გერმანიაში დაიბადა. ძალიან პატარა იყო, როცა ოჯახი საცხოვრებლად ხორვატიაში გადავიდა. 30 წლის მოდელი ყოფილი “მის ხორვატიაა.“ გარდა ამისა, აქვს საცურაო კოსტიუმებისა და ქალის თეთრეულის ბიზნესი, რომლისთვისაც მოდელი თვითონვეა.
ცნობისთვის, ხორვატია 1/8 ფინალშია. 5 დეკემბერს იაპონიას დაუპირისპირდებიან და 1/4 ფინალის საგზურის მოპოვებას ეცდებიან.
