კიევზე სარაკეტო თავდასხმის შედეგად, გარდაიცვალა რადიო თავისუფლების უკრაინული სამსახურის ჟურნალისტი ვერა გირიჩი.
ერთი დღით ადრე კიევზე სულ მცირე ორი თავდასხმა დაფიქსირდა. კიევის ხელისუფლებამ განაცხადა, რომ ერთ-ერთი რაკეტა შევჩენკოვსკის რაიონში 25 სართულიან საცხოვრებელ კორპუსს მოხვდა. შედეგად 10 ადამიანი დაშავდა. დღეს კიევის მერმა განაცხადა, რომ ერთ-ერთი გარდაცვლილის ცხედარი ნანგრევებიდან ამოიღეს.
კიევზე გუშინ განხორციელებულ სარაკეტო დარტყმაზე კომენტარი რუსეთის თავდაცვის სამინისტრომ გააკეთა. “VKS-მა მაღალი სიზუსტის შორი დისტანციური იარაღით გაანადგურა კიევში სარაკეტო და კოსმოსური ინდუსტრიის “Artem”-ის საწარმოო შენობები.
