კუბის დედაქალაქ ჰავანაში სასტუმროს აფეთქების შედეგად დაღუპულთა რიცხვი 22-მდე გაიზარდა, ხოლო 60-ზე მეტი საავადმყოფოში გადაიყვანეს. წინასწარი ინფორმაციით, ბენზინით სავსე ცისტერნას, რომელიც სასტუმრო Saratoga-სთან იყო დაყენებული, ცეცხლი გაუჩნდა, რის გამოც მოხდა აფეთქება და რამაც შენობის რამდენიმე სართული დაანგრია.
კუბის პრეზიდენტის თქმით, დაღუპულებს შორის არიან ორსული ქალი და ბავშვი.
“ეს არ ყოფილა ბომბი ან ტერაქტი, ეს უბედური შემთხვევა იყო”, – თქვა მიგელ დიას-კანელმა.