დნეპროპეტროვსკის ოლქზე რუსმა ოკუპანტებმა რამდენიმე სარაკეტო იერიში მიიტანეს. თავდასხმას სერიოზული ნგრევა მოჰყვა, – ინფორმაციას უკრაინული მედია დნეპროპეტროვსკის ოლქის სამხედრო ადმინისტრაციის ხელმძღვანელ ვალენტინ რეზნიჩენკოზე დაყრდნობით ავრცელებს.
„სერიოზული ნგრევა გვაქვს. მაშველები ნანგრევებს ასუფთავებენ და ადამიანებს ეძებენ”, – აცხადებს ვალენტინ რეზნიჩენკო.
დნეპროპეტროვსკის საოლქო საბჭოს თავმჯდომარე ნიკოლაი ლუკაშუკმა განაცხადა, რომ ოკუპანტებმა დნეპროს რაიონი დაბომბეს.
რეზნიჩენკოს განცხადებით, მსხვერპლისა და ნგრევის მასშტაბების შესახებ ინფორმაცია ზუსტდება.
