წელს, „მეორე მსოფლიო ომში“ გამარჯვების 77-ე წლისთავის აღსანიშნავად გამართული აღლუმის დროს მოსკოვის ცას 77 რუსული თვითმფრინავი გადაუფრენს, – მედიის ინფორმაციით, ამის შესახებ რუსეთის თავდაცვის სამინისტროში განაცხადეს.
მათივე ინფორმაციით, თვითმფრინავებს შორის იქნება რვა მიგ-29 ტიპის გამანადგურებელი, რომელიც ცაზე „Z“ სიმბოლოს ფორმირებას განახორციელებს, რათა გამოხატონ მხარდაჭერა უკრაინაში მებრძოლი რუსი ჯარისკაცების მიმართ.
მოსკოვის „წითელ მოედანზე“ სამხედრო აღლუმში დაახლოებით 11 000 ჯარისკაცი მიიღებს მონაწილეობას.
„გამარჯვების დღის“ აღსანიშნავად, რუსეთის პრეზიდენტი, ვლადიმერ პუტინი სიტყვით გამოვა.
