რუსულმა ძალებმა ოდესის ოლქში იერიში სტრატეგიული მნიშვნელობის ხიდზე მიიტანეს. ადგილობრივი ხელისუფლების ოფიციალური ინფორმაციით, დაზიანებულია ხიდი ზატოკის რაიონში. ის ტრანსპორტისთვის ჩაიკეტა.
ჯერჯერობით არ ვრცელდება ინფორმაცია დაზიანების მასშტაბების შესახებ. ასევე არ მოიპოვება ცნობები დაშავებულთა შესახებ.
ხიდის დანგრევის შემთხვევაში ერთადერთი სახმელეთო გზა მოლდოვის ტერიტორიის გავლით დარჩება.