საიდუმლო დოკუმენტების საქმეზე, აშშ-ის გამოძიების ფედერალური ბიურო ქვეყნის პრეზიდენტის, ჯო ბაიდენის სახლში ჩხრეკას ატარებს.
სამართალდამცველები ბაიდენის სახლში იმყოფებიან, რომელიც დელავერის შტატში, რეჰობოთ-ბიჩზე მდებარეობს.
აშშ-ის პრეზიდენტის პირადი ადვოკატის, ბობ ბაუერის განცხადებით, „იუსტიციის დეპარტამენტის სტანდარტული პროცედურების შესაბამისად, ოპერატიული უსაფრთხოების ინტერესებიდან გამომდინარე, პროცედურა წინასწარი საჯარო შეტყობინების გარეშე ტარდება და მხარეები თანამშრომლობაზე შეთანხდნენ“.
საიდუმლო დოკუმენტები გასული წლის ნოემბერში, პენ ბაიდენის ცენტრში აღმოაჩინეს. შემდეგ, დამატებითი საიდუმლო დოკუმენტები ჯო ბაიდენის კიდევ ერთ სახლში, ვილმინგტონში, დეკემბერსა და იანვარში ჩატარებული ჩხრეკისას აღმოჩნდა.
