Tuesday, November 29, 2022
spot_img
მთავარიპოლიტიკასაქართველოს მიერ ასოცირების ხელშეკრულების 40% უკვე შესრულებულია და საკანონმდებლო დონეზე საკმაოდ მჭიდროდ...

საქართველოს მიერ ასოცირების ხელშეკრულების 40% უკვე შესრულებულია და საკანონმდებლო დონეზე საკმაოდ მჭიდროდ ვართ დაახლოებული ევროკავშირთან

საქართველოს პარლამენტის თავმჯდომარის, შალვა პაპუაშვილის განცხადებით, საქართველო ევროკავშირის კითხვარის პასუხების მეორე ნაწილს ხვალ გააგზავნის. საქართველოს მიერ ასოცირების ხელშეკრულების 40% უკვე შესრულებულია და საკანონმდებლო დონეზე საკმაოდ მჭიდროდ ვართ დაახლოებული ევროკავშირთან.

„დღეს გარდა იმისა, რომ აღვნიშნავთ ფაშიზმზე გამარჯვების დღეს, ასევე აღვნიშნავთ ევროპის დღეს. მნიშვნელოვანია, რომ დღეს საქართველო იმყოფება აბსოლუტურად სხვა პროცესში, ჩვენ უკვე გავაკეთეთ განაცხადი ევროკავშირში წევრობაზე. პროცესი დაძრულია და ჩვენ მადლიერი ვართ ევროკავშირის, რომ უმოკლეს ვადაში შეადგინეს კითხვარი ჩვენი ქვეყნისთვის, რომელსაც მოკლე ვადაში გაეცა პასუხები. პირველი ნაწილი უკვე გადაცემულია და დიდი ალბათობით, ხვალ მოხდება პასუხების მეორე ნაწილის გადაცემა. საქართველო-უკრაინა-მოლდოვის საკითხი განიხილება ერთად, ჩვენ ვართ სამი ქვეყანა, რომელიც ერთ ეტაპზე არიან. ამავე დროს, საქართველო ამ სამ ქვეყანას შორის არის ერთ-ერთი ლიდერი ასოცირების ხელშეკრულების შესრულებასა და სხვა საკითხებთან დაკავშირებით. ასოცირების ხელშეკრულების 40% უკვე შესრულებულია საქართველოს მიერ და ამ მხრივ საკანონმდებლო დონეზე საკმაოდ მჭიდროდ ვართ დაახლოებული ევროკავშირთან“, – აღნიშნა პაპუაშვილმა.

შეგახსენებთ, რომ ევროკომისიის კითხვარის მეორე, სექტორული ნაწილი 33 თავს აერთიანებს და 2300-მდე ყველა სექტორული მიმართულების კითხვას მოიცავს .

RELATED ARTICLES

დატოვე პასუხი

გთხოვთ, მიუთითოთ თქვენი კომენტარი!
გთხოვთ, შეიყვანოთ თქვენი სახელი აქ

კვირის ყველაზე პოპულარული

ბოლო კომენტარები