2022 წლის პირველ ნახევარში საქართველოში თავშესაფრის მაძიებელი 364 უცხო ქვეყნის მოქალაქე დარეგისტრირდა. მათი უმეტესობა 126 ადამიანი უკრაინის მოქალაქეა, 52 – თურქეთის, 31 – ირანის, 21 – რუსეთის, 17 – ავღანეთის და 16 – ეგვიპტის.
უწყების თანახმად, ჰუმანიტარული სტატუსი სულ 51-მა ადამიანმა მიიღო. მათგან 21 ავღანეთის მოქალაქეა, 13 – უკრაინის, 7 კი – იემენის. ჰუმანიტარული სტატუსირუსეთის არცერთ მოქალაქეს არ მიუღია.
2022 წლის პირველ სამ თვეში თავშესაფრის მაძიებელთა რაოდენობა მნიშვნელოვნად გაზრდილია რუსეთიდან და უკრაინიდან. გასული წლის განმავლობაში საქართველოში თავშესაფრის მაძიებლად უკრაინის მხოლოდ – 3, ხოლო რუსეთის 54 მოქალაქე იყო რეგისტრირებული.
რაც შეეხება ლტოლვილის სტატუსს, ეს: სტატუსი სულ 9 მოქალაქემ მიიღო, მათგან არცერთია უკრაინისა და რუსეთის მოქალაქე. ლტოლვილის სტატუსი მიიღეს: ეგვიპტის, ავღანეთის, პაკისტანისა და თურქეთის მოქალაქეებმა.
2022 წლის პირველ კვარტალში საქართველოდან გააძევეს უცხო ქვეყნის სულ 40 მოქალაქე, მათგან 4 რუსეთის მოქალაქეა. გაძევებულთა შორის ასევე არიან თურქეთის, ირანის, ინდოეთის და ეგვიპტის მოქალაქეები.
ლტოლვილისა და ჰუმანიტარული სტატუსი უცხო ქვეყნის მოქალაქეებს საქართველოს კანონმდებლობით დადგენილი წესით ენიჭებათ.
