დღეს, 26 აპრილს დაკრძალეს უკრაინაში დაღუპული ქართველი მებრძოლები, არკადი კასრაძე და ზაზა ბიწაძე. ისინი ლუგანსკის ოლქში 16 აპრილს დაიღუპნენ.
40 წლის არკადი კასრაძე ერგნეთში დაკრძალეს. ის იყო საქართველოს შეიარაღებული ძალების ჯარისკაცი, იბრძოდა 2008 წლის რუსეთ-საქართველოს ომში.
რუსთავში დაკრძალეს 50 წლის ზაზა ბიწაძე. ის უკრაინაში 2014 წლიდან იბრძოდა. იყო აფხაზეთის ომის ვეტერანი.