დაახლოებით 500 000 ტურისტი ეწვია საქართველოს 2022 წლის დასაწყისში. აღსანიშნავია, რომ ეს მაჩვენებელი 2021 წლის იგივე პერიოდთან შედარებით 294.6%-ით მეტია. თუმცა მოცემული მასშტაბური პროცენტული ზრდის მთავარი მიზეზი დაბალი საბაზო ეფექტია, რაც გასული წლის იანვარ-მარტში ქვეყანაში არსებული შეზღუდვებისა და პანდემიის ფონზე ტურისტების შემოდინების ნაკლებობაში გამოიხატება. თუ 2022 წლის მაჩვენებელს 2019 წლის ანალოგიურ პერიოდს შევადარებთ დავინახავთ, რომ ტურიზმი ქვეყანაში სულ 52.1%-ით აღდგა.
ტურიზმიდან მიღებული შემოსავლების ნაწილთან დაკავშირებით. საინვესტიციო კომანია G&T-ის მიერ გამოქვეყნებული დოკუმენტის მიხედვით, მიმდინარე წლის დასაწყისში საქართველომ ტურიზმიდან დაახლოებით 344 მლნ აშშ დოლარის შემოსავალი მიიღო, რაც 2019 წლის მაჩვენებლის 59.4%-ს შეადგენს.
საინვესტიციო კომპანია პროგნოზირებს, რომ მიმდინარე წელს ტურიზმიდან მისაღები შემოსავლები 2019 წელთან შედარებით 60-დან 75%-ის ფარგლებში აღდგება. ომამდე საინვესტიციო კომპანია ტურიზმიდან შემოსავლების 85%-იან აღდგენას ელოდა. თუმცა ომის პირობებში აღნიშნული საპროგნოზო მაჩვენებელი შემცირდა.
