Tuesday, November 29, 2022
spot_img
მთავარისამართალიხანუმ ჯეირანოვას საქმეზე პროკურატურამ 8წლის შემდეგ,ბრალი სამ პირს წარუდგინა

ხანუმ ჯეირანოვას საქმეზე პროკურატურამ 8წლის შემდეგ,ბრალი სამ პირს წარუდგინა

საქართველოს პროკურატურა აცხადებს, რომ თავისუფლების უკანონო აღკვეთისა და დამამცირებელი მოპყრობის ფაქტზე სამ პირს ბრალი ჯგუფურად სქესის ნიშნით ადამიანის თანასწორუფლებიანობის დარღვით ჩადენილი დამამცირებელი მოპყრობისთვის წარუდგინა. 2022 წლის 18 სექტემბერს 8 წელი გავა მას შემდეგ, რაც საგარეჯოს რაიონში, სოფელ ლამბალოში 30 წლის ხანუმ ჯეირანოვამ თავი მოიკლა. “საქმეზე ჩატარებული გამოძიებით დადგინდა, რომ ნ.გ.-მ, ა.გ.-მ და გ.ა.-მ, სხვა პირებთან ერთად, გენდერული ნიშნით დისკრიმინაციის მოტივით, ხ.ჯ.-ს ღირსებისა და პატივის შემლახავ მდგომარეობაში ჩაყენება და სოფლის მოსახლეობის წინაშე დამცირება გადაწყვიტეს”, – აღნიშნულია პროკურატურის გავრცელებულ განცხადებაში.

პროკურატურის განცხადებით, სამივე პირს ბრალდება საქართველოს სისხლის სამართლის კოდექსის 143-ე მუხლის მეორე ნაწილის „გ“ და მესამე ნაწილის „ა“ ქვეპუნქტებით (თავისუფლების უკანონო აღკვეთა, ჩადენილი სხვა დანაშაულის ჩადენის გაადვილების მიზნით, წინასწარი შეთანხმებით ჯგუფის მიერ) და 144-ე ტერცია მუხლის მეორე ნაწილის „ე“ და „ვ“ ქვეპუნქტებით (დამამცირებელი მოპყრობა, ჩადენილი ჯგუფურად და სქესის ნიშნით ადამიანთა თანასწორუფლებიანობის დარღვევით) წარედგინათ, რაც სასჯელის სახედ და ზომად შვიდიდან ათ წლამდე თავისუფლების აღკვეთას ითვალისწინებს. 

RELATED ARTICLES

დატოვე პასუხი

გთხოვთ, მიუთითოთ თქვენი კომენტარი!
გთხოვთ, შეიყვანოთ თქვენი სახელი აქ

კვირის ყველაზე პოპულარული

ბოლო კომენტარები