თეთრი სახლი აცხადებს უკრაინის უსაფრთხოების დახმარების ახალი პაკეტის შესახებ, რომელიც მოიცავს არტილერიას, საბრძოლო მასალას, რადარებს და სხვა აღჭურვილობას.
„აშშ განაგრძობს უკრაინის მამაცი ხალხის მტკიცე მხარდაჭერას, რადგან ისინი იცავენ თავიანთ ქვეყანას რუსეთის მიმდინარე აგრესიისგან“, – განაცხადა პრეზიდენტმა ჯო ბაიდენმა.
ბაიდენის თქმით,იარაღის უახლესი პაკეტი 150 მილიონი დოლარის ღირებულებისაა. მან აღნიშნა,რომ უკრაინისთვის გამოყოფილი დაფინანსება „თითქმის ამოწურულია“ და მოუწოდა აშშ-ს კონგრესს, დაამტკიცოს მისი შემოთავაზებული 33 მილიარდი დოლარის დახმარების პაკეტი, რათა „გაძლიერდეს უკრაინა ბრძოლის ველზე და მოლაპარაკებების მაგიდასთან“.
