ბრიტანელი როკ-მუსიკოსი ოზი ოსბორნი და მისი მეუღლე შერონი თავიანთ მამულში ბუკინგემშირში, ინგლისში, ორი უკრაინელი ლტოლვილი ოჯახის დაასახლებას აპირებენ.
„ოზი ძალიან კარგად არის ცნობილი უკრაინაში და ვფიქრობ, რომ ისინი ბედნიერები იქნებიან ამ შეთავაზებით.“ – თქვა 69 წლის შერონ ოსბორნმა.
მან ასევე გააკრიტიკა ბრიტანეთის მთავრობა უკრაინელი ლტოლვილებისთვის არასაკმარისი ყურადღების გამოჩენისთვის. კერძოდ, მისი თქმით, ხელისუფლება ანელებს ბრიტანეთში უკრაინელი ლტოლვილების გადასახლების პროცესს ბიუროკრატიის მეშვეობით.
