საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე პირობა დადო, რომ მომდევნო 3-4 წლის პერიოდში, საქართველოს ოკუპირებული ტერიტორიებიდან დევნილ 13 ათასამდე ოჯახს ბინებით უზრუნველყოფს.
“მათგან ნაწილს დაუკანონდება, ნაწილს, დაახლოებით 6 ათას დევნილს, გადაეცემა სახლები პროექტ „სოფლად სახლის“ ფარგლებში და 7 ათასი დევნილი ოჯახისთვის აშენდება ახალი, თანამედროვე სტანდარტების კორპუსები და მათ გადაეცემათ ბინები სრული რემონტით, ეს ჩვენი ვალდებულებაა”. – თქვა ღარიბაშვილმა.
საქართველოში დევნილი ოჯახების ნაწილი ქირით ცხოვრობს, ნაწილი კი ავარიულ შენობებშია შესახლებული. მათი ბინით უზრუნველყოფის საკითხი ათწლეულებია ვერ გვარდება.
