ომი გრძელდება უკრაინაში, სადაც საბრძოლო მოქმედებები აქტიურად მიმდინარეობს. საჰაერო განგაში დრონებით, შესაძლო თავდასხმის გამო, რამდენიმე ოლქში ჩაირთო. მათ შორის – კიევში, სუმში, დნიპროპეტროვსკსა და ხმელენცკში. იყო აფეთქებები.
რუსულმა ძალებმა დაბომბეს ხერსონის ოლქი – დაიღუპა 1 მამაკაცი, არიან დაშავებულები.
სარაკეტო იერიში მიიტანეს ოკუპანტებმა ზაპოროჟიას ოლქშიც – დაზიანებულია საცხოვრებელი სახლები.
რაც შეეხება ომში მყოფი ქვეყნის დახმარებას; პენტაგონმა ოფიციალურად გამოაცხადა რიგით მე-17 რამშტეინის ფორმატის შეხვედრა, რომელიც დღეს შედგება. შეხვედრა უკრაინის ძალების თავდაცვისთვის საჭირო შესაძლებლობების მიწოდებაზე იქნება ფოკუსირებული.
გერმანია უკრაინას 1 300 000 000 ევროს სამხედრო დახმარების პაკეტს გამოუყოფს – ამის შესახებ გერმანიის თავდაცვის მინისტრმა უკრაინელ კოლეგასთან შეხვედრის შემდეგ განაცხადა.
