ირაკლი კობახიძემ, ლაზარე გრიგორიადისის შესაძლო შეწყალების საკითხი შეაფასა და აღნიშნა, რომ სალომე ზურაბიშვილისგან გამორიცხული არაფერია.
კობახიძის განმარტებით, თუ ზურაბიშვილი გრიგორიადისს შეიწყალებს, ამით კიდევ ერთხელ დაადასტურებს, რომ ის “ნაციონალური მოძრაობის” დღის წესრიგს მიჰყვება.
“ბოლო პერიოდის განმავლობაში სალომე ზურაბიშვილმა ისეთი რაღაცები აკეთა, მისგან არავის არაფერი გაუკვირდება. ის, ჩვეულებრივად, რადიკალური ოპოზიციის, “კოლექტიური ნაცმოძრაობის” ერთი შემადგენელი ნაწილია. შესაბამისად, ნებისმიერი ნაბიჯი შეიძლება გადადგას. თუ ამას გააკეთებს, ეს იქნება კიდევ ერთი, მორიგი მტკიცებულება იმისა, რომ ის პირდაპირ მიჰყვება “კოლექტიური ნაცმოძრაობის” დღის წესრიგს”, – განაცხადა ირაკლი კობახიძემ.
