გორში, სტალინის გამზირზე მდებარე მაღაზია ,,დეილიში” ერთი პირი შეიჭრა. ინფორმაციას რეგიონული გამოცემა Qartli.ge ავრცელებს.
შემთხვევა დაახლოებით 01:00 საათზე მოხდა. სადღეღამისო მაღაზიაში სრულწლოვანი მამაკაცი ძარცვის მცდელობის მუხლით დააკავეს. წინასწარი ინფორმაციით, მამაკაცი თანხას ითხოვდა.
როგორც შინაგან საქმეთა სამინისტროში აცხადებენ, გამოძიება სისხლის სამართლის კოდექსის 19-178-ე მუხლით მიმდინარეობს.
