ხაშურის მუნიციპალიტეტის მერიის ცნობით, დიდი და პატარა სატივეს (სოფლების) დამაკავშირებელ გზის ნაპირას [მიწის] მცირე მონაკვეთი ჩამოიშალა.
“პრევენციული ღონისძიებების ფარგლებში, მუნიციპალიტეტმა დაზიანების ადგილას ლითონის მოაჯირი დაამონტაჟა. ამ ეტაპზე მიმდინარეობს საინჟინრო გეოლოგიური კვლევა. სპეციალისტების მიერ გამოტანილი კვალიფიციური დასკვნის მიღებისთანავე დაიწყება საპროექტო სამუშაოები,” – ნათქვამია მერიის განცხადებაში.
