𝗕𝗖𝗔𝗚𝗖 -სა და „სფერო ჰოლდინგი“-ს ხელმძღვანელ პირებს შორის ოფიციალური შეხვედრა გაიმართა

𝗕𝗖𝗔𝗚𝗖 -სა და „სფერო ჰოლდინგი“-ს ხელმძღვანელ პირებს შორის გაცნობითი სახის ოფიციალური შეხვედრა გაიმართა. ამის შესახებ ინფორმაციას საერთაშორისო ორგანიზაცია სოციალურ ქსელში ავრცელებს.

შეხვედრაზე მხარეებმა მიმდინარე პროექტები და სამომავლო თანამშრომლობის საკვანძო საკითხები განიხილეს. ამასთან ერთად, იმსჯელეს კოლაბორაციის პერსპექტივებსა და ფორმატზე.

შეხვედრაზე კორპორატიულ გაერთიანება “სფერო ჰოლდინგს” დამფუძნებელი გიგა წულეისკირი და კომპანიის ეკონომიკური რეფორმების ხელმძღვანელი რამაზ გერლიანი წარმოადგენდნენ.

“ბიზნესპალატის პირველმა ვიცე პრეზიდენტმა, დავით ცირდავამ ხაზი გაუსვა „სფერო ჰოლდინგის“ მაღალ სოციალურ პასუხისმგებლობას და აქტიური მხარდაჭერისა და თანამშრომლობის მზაობა გამოთქვა. ასევე, დიალოგის მონაწილე პირებს მოახსენა ბიზნესპალატის მისია და სამოქმედო ორიენტირი.

ურთიერთთანამშრომლობის შემდგომი განვითარების მოტივით, “სფერო ჰოლდინგის” წარმომადგენლებმა ბიზნესპალატის პირველი ვიცე პრეზიდენტი, გრიგოლეთში მიმდინარე მასშტაბური პროექტის, მრავალსართულიანი სასტუმროს კომპლექსის მშენებლობის ადგილზე გასაცნობად მიიწვიეს.” – აღნიშნულია განცხადებაში.