ცოტა ხნის წინ უამრავი ადამიანი შეძრა ახალგაზრდა მოდელის, ელენე სოფრომიძის გარდაცვალებამ. როგორც ცნობილი გახდა, გოგონა კლუბ „ბასიანის“ ტერიტორიაზე შეუძლოდ გახდა და საავადმყოფოში უგონო მდგომარეობაში გადაიყვანეს.
შინაგან საქმეთა სამინისტრომ გამოძიება 115-ე მუხლის პირველი ნაწილით დაიწყო, რაც თვითმკვლელობამდე მიყვანას გულისხმობს.
არასამთავრობო ორგანიზაცია „მანდალა“ პერიოდულად იკვლევს საქართველში შემოსულ ნარკოტიკულ საშუალებს. ბოლოს ჩატარებულმა მოკვლევებმა აჩვენა, რომ თითქმის ყველა გამოკვლეული ნიმუში, სიცოცხლისთვის საშიშ ნივთიერებას, „ფენტანილს“ შეიცავს.
კვლევაში, გარდაცვალების ერთ-ერთ მიზეზად სასწრაფოს დახმარების გამოძახების შიში სახელდება. მიუხედავად იმისა, რომ სასწრაფო დახმარების ბრიგადას, საპატრულო პოლიციისთვის შეტყობინების ვალდებულება აღარ აქვს.
რა არის ფენტალინი?
სიკვდილი ძილში – ასე ახასიათებენ ფენტანილით გარდაცვალებას. ნარკოტიკი საქართველოს ბაზარზე 2018 წლიდან გამოჩნდა.
„მანდალას“ ინფორმაციით, ფენტანილი არის სინთეტური ოპიოიდი, ტკივილგამაყუჩებელი, რომელიც ქიმიური სტრუქტურით ნაწილობრივ ჰგავს პრომედოლს, თუმცა 25-50-ჯერ საშიშია, ვიდრე ჰეროინი და 50-100-ჯერ ვიდრე მორფინი.
ფენტანილი იმდენად ძლიერმოქმედია, ხოლო 2 მგ კი უმრავლეს შემთხვევაში სიკვდილს იწვევს.
ფენტანილი არ გამოიყენება თერაპიული მკურნალობისათვის. ადამიანზე ფარმაკოლოგიური ზემოქმედებისათვის ერთი მიკროგრამიც კი საკმარისია ფატალური შედეგის დასადგომად.
ე.წ. “შავ ბაზარზე” პოპულარული მრავალი ნარკოტიკული საშუალება ოპიოიდური ფენტანილით ან მისი მონათესავე ანალოგებით არის გაჯერებული ისე, რომ პოტენციურმა მომხმარებელმა ამის შესახებ არაფერი იციან, ხშირად არც ე.წ. ბარიგები ფლობენ ინფორმაციას.
ფენტანილით გაჯერებული ჰეროინი და კოკაინი ვრცელდება. ასევე ხშირია ფენტანილით გაჯერებული ე.წ. საკლუბო ნარკოტიკები და ფსიქო სტიმულატორები, რომლებიც ასევე სიცოცხლისთვის საშიშია.
ხშირია ფენტანილით, ან მისი ანალოგებით გაჯერებული ე.წ. ბლოტერები, იგივე – მარკები.
სახელმწიფოს ზედოზირებით გარდაცვლილი ადამიანების სტატისტიკა არ აქვს. იმის გამო, რომ ნარკოტიკი ლეგალიზებული არ არის, არც მისი ხარისხის მონიტორინგი ხდება.
