ევროკავშირი რუსეთის წინააღმდეგ სანქციების მორიგ პაკეტზე შეთანხმდა, – ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში, ჟოზეფ ბორელმა განაცხადა.
მეცამეტე პაკეტში 200-ზე მეტი ფიზიკური პირი და ობიექტია შეყვანილი. მათი რაოდენობა, საერთო ჯამში, 2 000-ს გადააჭარბებს.
სანქციების სიის გაფართოებით, ევროკავშირი აძლიერებს სანქციებს მათ წინააღმდეგ, ვინც არღვევს რეგულაციებს და ხელს უწყობს პოტენციურ დესტაბილიზაციას, კერძოდ კი – თავდაცვისა და სამხედრო სექტორებში.
ევროკავშირმა სანქციების სია უკრაინაში რუსეთის ომის 2 წლისთავამდე რამდენიმე დღით ადრე გააფართოვა.
