ევრო 2024-ის შესარჩევ მატჩში საქართველოსა და საბერძნეთის მატჩს 52 000 გულშემატკივარი დაესწრება.
ქსელში გაშვებიდან თითქმის ხუთ საათში ყველა ბილეთი გაიყიდა. ბორის პაიჭაძის სახელობის “დინამო არენაზე” შთამბეჭდავ სანახაობას ელოდება ბერძნული მედია. გამოცემა newsit.gr-ის ინფორმაციით, ქართველი გულშემატკივრების დიდი კონცენტრაციის მიუხედავად, არც საბერძნეთის ნაკრები იქნება მარტო. სტადიონზე თამაშს ბერძნების 600 გულშემატკივარი დაესწრება.
