ევროკავშირის წევრი ქვეყნების ელჩები ვიდეომიმართვას ავრცელებენ

საქართველოში ევროკავშირის წევრი ქვეყნების ელჩები ერთობლივ ვიდეომიმართვას ავრცელებს, სადაც თითოეული ქვეყნის დიპლომატი საუბრობს, რას ნიშნავს ევროპული ოჯახის წევრობა.

საქართველო არის ევროკავშირის წევრობის კანდიდატი, გიფიქრიათ, რას ნიშნავს ევროპული ოჯახის წევრობა? – ამ აღწერით ავრცელებენ ვიდეომიმართვას:

„ეს არის შესაძლებლობები ახალი თაობებისთვის“, – აღნიშნავს უნგრეთის ელჩი ვიდეომიმართვაში;

„თავისუფალი, მშვიდობიანი, სოციიალ-ეკონომიკური და გარემოსდაცვითი რეგულაციების სივრცე“, – აცხადებს გერმანელი დიპლომატი;

„სამუშაო ადგილები და შესაძლებლობები ყველასთვის, ეს იყო დემოკრატიის კონსოლიდაცია“, – აგრძელებს ესპანეთის ელჩი;

„მშვიდობა, კეთილდღეობა და გავლენა“, – დასძენს დანიელი დიპლომატი;

ჩვენი მშპ 450 მილიარდი ევროთი გაიზარდა“, – აღნიშნავს პოლონეთის ელჩი; 

„ჩვენ შევუერთდით ევროზონას და ამან მოგვცა ფინანსური სტაბილურობა“ – აღნიშნავს ესტონეთის წარმომადგენელი;

„ევროკავშირი წარმოადგენს მშვიდობის, ერთობლივი ზრდისა და საერთო უსაფრთხოების პროექტს“ – ამბობს იტალიის ელჩი; 

„შესაძლებლობა დავიცვათ ჩვენი უსაფრთხოება, თავისუფლება და ფასეულობები“ – საფრანგეთი; 

„ქვეყნის ყველა რეგიონში უპრეცედენტო განვითარებაა“ – აცხადებს რუმინეთის ელჩი; 

„ევროკავშირის წევრობით ჩვენ ვაშენებთ წესებზე დამკვიდრებულ მსოფლიოს“, – ამბობს ლატვიის ელჩი;

„ევროკავშირში შესვლა მნიშვნელოვანი წინგადადგმული ნაბიჯია ეკონომიკური და პოლიტიკური სტაბილურობისა და უსაფრთხოებისთვის“, – ჩეხი დიპლომატი;

„ევროკავშირის შიგნით თავისუფლად შეიძლება მოგზაურობა, მუშაობა, სწავლა კავშირის ნებისმიერ ქვეყანაში“ – სლოვაკეთის ელჩი;

ჩვენ თავს უსაფრთხოდ ვგრძნობთ და ვხედავთ ეკონომიკურ და გეოპოლიტიკურ არჩევანის უპირატესობას“, – ლიეტუვა.

ევროკავშირის დელეგაციის საქმიანობისა და ევროკავშირთან დაკავშირებით მეტი ინფორმაციისთვის კი, ელჩი პაველ ჰერჩინსკი საქართველოს მოქალაქეებს ევროპის დღის აღსანიშნავად, 11 აპრილს ექსპო ჯორჯიაში ეპატიჟება.