პარლამენტში სავალდებულო გენდერული კვოტირების გაუქმების კანონპროექტს პრეზიდენტმა ვეტო დაადო – ამის შესახებ საკანონმდებლო ორგანოში გამართულ ბიუროს სხდომაზე შალვა პაპუაშვილმა განაცხადა.
პარლამენტის თავმჯდომარის თქმით, საკითხი განსახილველად იურიდიულ კომიტეტს გადაეცა, რის შემდეგაც პლენარულ სხდომაზე გავა.
ცნობისთვის, 3 აპრილს, პარლამენტმა “გირჩის” ინიციატივას სამივე მოსმენით მხარი დაუჭირა. კანონის თანახმად, 2024 წლის საპარლამენტო არჩევნებისთვის პარტიებს აღარ ექნებათ ვალდებულება სიაში ქალები ჩაწერონ და პარლამენტში შეიყვანონ.