წაშლილია, აბსოლუტურად ყველა ზღვარი. ეს არის უმცირესობა, მოძალადე, რუსული, მხდალი, რომელიც აქ არის [პარლამენტში] შეკეტილი და თანამოქალაქეებს ძალის ენით ელაპარაკება, – ამის შესახებ „დროას“ ლიდერმა ელენე ხოშტარიამ საპარლამენტო და არასაპარლამენტო ოპოზიციის სახელით ერთობლივ ბრიფინგზე განაცხადა.
მისი შეფასებით, ბრძოლა პრინციპული იქნება და საზოგადოებას 17:00 საათზე პარლამენტთან შეკრებისკენ მოუწოდებს.
„წაშლილია, აბსოლუტურად, ყველა ზღვარი. ეს არის უმცირესობა, მოძალადე, რუსული, მხდალი, რომელიც აქ არის [პარლამენტში] შეკეტილი და თანამოქალაქეებს ძალის ენით ელაპარაკება. მეორე მხარეს არის მრავალფეროვანი, მებრძოლი, პრინციპული, ევროპული და თავისუფალი საზოგადოება. ოპოზიციურ პარტიებს ამ მომენტში გვაქვს განსაკუთრებული მოვალეობა, რომ ერთად ვიდგეთ და შევასრულოთ ამ თავისუფლებისმოყვარული საზიგადოების დაკვეთა. ლევან ხაბეიშვილს სრულ მხარდაჭერასა და სოლიდარობას ვუცხადებ და მინდა ვუთხრა ყველას, რომ ყველა დაკავებულზე ვზრუნავთ. არცერთი ადამიანი არ იქნება ყურადღების მიღმა. ჩვენ ვართ ერთად მათ გვერდში და მათ ვერავინ შეაშინებს. ბრძოლა იქნება პრინციპული და ჩვენ გაჩერებას არ ვაპირებთ, ამიტომ მნიშვნლოვანია დღეს 5 საათიდან შევიკრიბოთ და ვაჩვენოთ ჩვენი ძალა“, – განაცხადა ელენე ხოშტარიამ.
