“გვახსოვს, ვმკურნალობთ სიყვარულით და სოლიდარობით” – მსოფლიო შიდსით გარდაცვლილთა ხსოვნის საერთაშორისო დღეს აღნიშნავს.
საქართველო უკვე 28-ედ უერთდება ამ დღეს.
ინფექციური პათოლოგიისა და შიდსის ცენტრის ეზოში, 19 მაისთან დაკავშირებით, პერფორმანსი გაიმართა.
შეკრებილებმა, სიმბოლურად, სანთლები დაანთეს და, ამ ფორმით, სოლიდარობა გამოუცხადეს აივ ინფექციით მცხოვრებ ადამიანებსა და მათ ახლობლებს.
შიდსით გარდაცვლილთა ხსოვნის დღე პირველად 1983 წელს, სან ფრანცისკოში აღინიშნა.
