საერთაშორისო სავალუტო ფონდის შეფასებით, საქართველოს სავალუტო რეზერვების მოცულობა ადეკვატურობის დონეს ჩამოსცდა. ამის შესახებ საუბარია IMF-ის მიერ გამოქვეყნებულ მიმოხილვაში, რომელიც საქართველოს ეკონომიკას შეეხება.
საქართველოს სავალუტო რეზერვების მოცულობა ადეკვატურობის ზღვარს ქვემოთ დაეცა – IMF
27.05.2024 • 12:35
საერთაშორისო სავალუტო ფონდის შეფასებით, საქართველოს სავალუტო რეზერვების მოცულობა ადეკვატურობის დონეს ჩამოსცდა. ამის შესახებ საუბარია IMF-ის მიერ გამოქვეყნებულ მიმოხილვაში, რომელიც საქართველოს ეკონომიკას შეეხება.
SKIP
მიმოხილვის თანახმად, რეზერვების მთლიანი მოცულობა იმაზე დაბალია, ვიდრე უნდა იყოს.
2024 წლის აპრილის მდგომარეობით, საქართველოს სავალუტო რეზერვების ზომა $4.81 მილიარდს შეადგენდა, თუმცა 2023 წლის ანალოგიურ პერიოდთან შედარებით რეზერვები $325 მილიონითაა შემცირებული.
„ეროვნული ბანკის მიერ რეზერვების შესყიდვის მნიშვნელოვანი პოლიტიკის მიუხედავად, საქართველოს სავალუტო რეზერვების დონე დაეცა IMF-ის ადეკვატურობის ზღვარს ქვემოთ,“- ნათქვამია IMF-ის მიმოხილვაში.
მიმდინარე თვეში, 16 მაისს ეროვნულმა ბანკმა 2024 წლის პირველი სავალუტო აუქციონი განახორციელა და $60 მილიონი დოლარი გაყიდა, რაც რეზერვების მოცულობის შემცირებაზე მოახდენდა გავლენას.
ის თუ როგორ შეიცვალა მაისში სავალუტო რეზერვების მოცულობა 7 ივნისს გახდება ცნობილი.
კომერსანტი
