დედაქალაქში დამატებით 25 ახალი, 18-მეტრიანი ავტობუსი იმოძრავებს – ამის შესახებ თბილისის მერმა კახა კალაძემ პრეზენტაციაზე ისაუბრა.
“საერთო ჯამში თბილისში ამ დროისთვის 100 ერთეული 18-მეტრიანი ავტობუსი იმოძრავებს. ახალი ავტობუსები კი ეტაპობრივად გავა ხაზებზე” – თქვა კალაძემ.
კალაძის თქმით, ელოდებიან დამატებით 100 ავტობუსის შემოსვლას და საერთო ჯამში, თბილისში 200 ერთეული გაზზე მომუშავე 18-მეტრიანი ავტობუსი იქნება.