,,საქართველო იფიცება“ – მასშტაბურ პროტესტამდე 1 დღე რჩება

გაიფიცე სინდისის პატიმრების სახელით, გაიფიცე ნაწამები ადამიანების სახელით და გაიფიცე უკანონოდ დაჯარიმებულის სახელით! – 25 თებერვალს, 16:00 საათზე ხალხი ქუჩაში გადის. იფიცებიან დასაქმებულებიც და დამსაქმებლებიც. სამსახურებიდან გამოსულები თბილისში სიმბოლურად მივლენ გმირთა მოედანზე. საქართველოს ისტორიაში ერთ-ერთ ყველაზე ტრაგიკულ დღეს აქციის მონაწილეები გმირების მემორიალთან პირობას დადებენ, რომ არ დაუშვებენ საქართველოს ხელახლა ოკუპაციას.