ადვოკატ თორნიკე მიგინეიშვილის თქმით, დღეს, 4 მარტს მსახიობ ანდრო ჭიჭინაძის საჩივარი სტრასბურგის სასამართლოში გაიგზავნა.
ანდრო ჭიჭინაძე საპროტესტო აქციებში მონაწილეობის გამო დააკავეს და აღკვეთის ღონისძიების სახით პატიმრობა შეუფარდეს.
დაცვის მხარე ადამიანის უფლებათა ევროპულ სასამართლოში სწორედ აღკვეთის ღონისძიების სახით პატიმრობის, ასევე, გადასინჯვის დროს პატიმრობის ძალაში დატოვების კანონიერებაზე დაობს.
ანდრო ჭიჭინაძეს ბრალი საქართველოს სისხლის სამართლის კოდექსის 225-ე მუხლის მეორე ნაწილით აქვს წარდგენილი, რაც ჯგუფურ ძალადობაში მონაწილეობას გულისხმობს. მუხლი 4-დან 6 წლამდე თავისუფლების აღკვეთას ითვალისწინებს.
ამასთან, ხვალ, 5 მარტს ჭიჭინაძის მორიგი სასამართლო სხდომაა დანიშნული.
