აშშ-ის პრეზიდენტის, დონალდ ტრამპის განცხადებით, უკრაინაში ცეცხლის შეწყვეტის შესახებ რუსეთთან მოლაპარაკებები გრძელდება.
„ვესაუბრებით რუსეთს. გვსურს, შეჩერდენენ. არ მომწონს დაბომბვები, დაბომბვები გრძელდება და გრძელდება და ყოველ კვირას ათასობით ახალგაზრდა იღუპება”, – აცხადებს აშშ-ის პრეზიდენტი ჟურნალისტებთან საუბარში.
მან კიდევ ერთხელ გაიმეორა, რომ რუსეთ-უკრაინის ომი არ მოხდებოდა, ის რომ მაშინ აშშ-ის პრეზიდენტი ყოფილიყო.
„ეს საშინელებაა და არასდროს უნდა დაწყებულიყო. არასდროს მოხდებოდა მე რომ პრეზიდენტი ვყოფილიყავი, 100%-ით“, – აღნიშნა ტრამპმა.
