ლაშა გურული პროფესიულ კრივში თავის მეორე ბრძოლას მიმდინარე წლის 19 ივლისს ლონდონში, უემბლის სტადიონზე ჩაატარებს, – ამის შესახებ მოკრივემ სოციალურ ქსელში დაწერა.
გურულის თქმით, ოპონენტის ვინაობა ახლო მომავალში გახდება ცნობილი, მისი ბრძოლა კი იმ საღამოს პირველი შეხვედრა იქნება. აღნიშნული ღონისძიებაზე მძიმე წონის საჩემპიონო ქამრისთვის ერთმანეთს ოლექსანდრ უსიკი და დანიელ დუბუა შეხვდებიან.
28 წლის ლაშა გურულმა პროფესიულ კრივში თავისი პირველი ბრძოლა მარტში ჩაატარა. მან ქალაქ რუსთავში გამართულ Martlab boxing promotion-ის ღონისძიებაზე განელი ბერნარდ აბეი დაამარცხა.
შეგახსენებთ, რომ ქართველმა მოკრივემ 2024 წლის პარიზის ოლიმპიურ თამაშებზე ბრინჯაოს მედალი მოიპოვა.
