ბუდაპეშტში მიმდინარე მსოფლიო ჩემპიონატის მეექვსე საშეჯიბრო დღეს, – 100 კილოგრამ წონით კატეგორიაში ილია სულამანიძე მერვედფინალში ესპანეთის სახელით მოასპარეზე, მსოფლიოს ორგზის ჩემპიონ ნიკოლოზ შერაზადიშვილთან დამარცხდა და ასპარეზობას გამოეთიშა.
ილია შეჯიბრებაში მეორე წრიდან ჩაერთო და უნგრელი ზომბორ ვეგი ორი იუკოთი დაამარცხა.
შეგახსენებთ, ძიუდოს მსოფლიო ჩემპიონატი 13 ივნისს დაიწყო და საქართველოს ნაკრების ანგარიშზე სამი მედალია: ეთერ ლიპარტელიანმა (57 კგ) ოქროს მედალი მოიპოვა, ტატო გრიგალაშვილი (81 კგ) ტურნირის ვიცეჩემპიონი გახდა, ლუკა მაისურაძე (90კგ) კი ბრინჯაოს მედალს დაეუფლა.
