Sunday, November 27, 2022
spot_img
მთავარისაზოგადოებაპენსიების გაცემის ტენდერში "ლიბერთი ბანკმა" გაიმარჯვა

პენსიების გაცემის ტენდერში “ლიბერთი ბანკმა” გაიმარჯვა

ჯანდაცვის მინისტრმა ზურაბ აზარაშვილმა განცხადებით, პენსიების გაცემის მომდევნო 7-წლიან ტენდერში “ლიბერთი ბანკმა” გაიმარჯვა. 

“ტენდერში გაიმარჯვა იგივე ბანკმა, “ლიბერთი ბანკმა”, რომელიც წლებია ემსახურება ამ სერვისს და ესეც მნიშვნელოვანია, რომ გააგრძელებს მათ მომსახურებას. პირობა იყო შვიდწლიანი მომსახურების შესახებ და აქ ყველაზე მნიშვნელოვანი არის ის, რომ ის სესხები, რომლებსაც პენსიონერები იღებენ მიბმული იქნება რეფინანსირების განაკვეთზე.”– განაცხადა ჯანდაცვის მინისტრმა. 

მნიშვნელოვანია გარემოება, რომ ტენდერში გამარჯვებული ოფიციალურად ჯერ არ გამოვლენილა. დღეს ამ ტენდერში წინადადებების მიღება ამოიწურა, რის შემდეგაც ავტომატურად წინადადებათა რიგითობით გასაჯაროება დაიწყო. ამჟამად სისტემაში მხოლოდ “ლიბერთი ბანკის” წინადადება ჩანს, რომელიც სახელმწიფოს ამ სერვისის მიწოდებას 105 მილიონ ლარად სთავაზობს. ეს არ ნიშნავს, რომ ტენდერში მონაწილეობა მხოლოდ “ლიბერთი ბანკმა” მიიღო. ასევე ტენდერის ოფიციალური გამარჯვებული შესყიდვების სისტემაში მითითებული არ არის. 
“ლიბერთი ბანკი” აცხადებს, რომ სოციალური გასაცემლების დარიგებისთვის კონკურენტული უპირატესობა სწორედ მას აქვს, რადგანაც ბანკი 2001 წლიდან არიგებს პენსიებს და ქვეყნის მასშტაბით ამისთვის ყველაზე ფართო ქსელიც გააჩნია – რაც ფილიალებს, მობილურ სერვისცენტრებს და ბანკომატებს აერთიანებს.

შესყიდვის მთავარი კრიტერიუმი, რომლითაც პენსიის გამცემი ბანკი შეირჩევა, არის საპროცენტო განაკვეთი, რითიც ის ხანდაზმულებსა და სოცდაუცველებზე გასცემს სესხებს. განაკვეთების საწყისი წერტილის ათვლა იწყება ბანკთაშორისი საპროცენტო განაკვეთების ინდექსიდან, რომელიც ამჟამად 10.8%-ს შეადგენს. მაქსიმალური განაკვეთი, რომლიდანაც ტენდერში ვაჭრობაა დაშვებული არის 15% ანუ, საუბარია მაქსიმუმ 10.8%+15%=25.6%-ის საპროცენტო განაკვეთზე.

RELATED ARTICLES

დატოვე პასუხი

გთხოვთ, მიუთითოთ თქვენი კომენტარი!
გთხოვთ, შეიყვანოთ თქვენი სახელი აქ

კვირის ყველაზე პოპულარული

ბოლო კომენტარები