რამდენიმე დღეში ქუთაისის საერთაშორისო აეროპორტთან ახლოს მატარებელი გაივლის. რადიო თავისუფლებას “საქართველოს რკინიგზაში” უთხრეს, რომ მატარებლის სადგურიდან აეროპორტამდე მისასვლელად ტრანსპორტით რამდენიმე წუთის სავალი გზაა. მგზავრს არ მოუწევს დამატებითი საფასურის გადახდა.
კოპიტნარის აეროპორტთან მატარებლები 30 აპრილიდან დაიწყებს მოძრაობას, ბილეთების გაყიდვა კი 29 აპრილიდან დაიწყება.
“ქუთაისის აეროპორტის” მგზავრებს შეუძლიათ გამოიყენონ რეისები:
- თბილისი-ოზურგეთი (გასვლა 08:50 სთ, ოზურგეთში ჩასვლა 17:55 სთ; გამოსვლა ოზურგეთიდან 08:55 სთ, თბილისში ჩასვლა 17:46 სთ);
- თბილისი-ბათუმი (გასვლა 08:20 სთ, ბათუმში ჩასვლა 14:20 სთ; გამოსვლა ბათუმიდან 09:00 სთ, თბილისში ჩასვლა 14:47 სთ);
- თბილისი-ბათუმი (გასვლა 17:20 სთ, ბათუმში ჩასვლა 23:15 სთ; გამოსვლა ბათუმიდან 17:45 სთ, თბილისში ჩასვლა 23:29 სთ);
- თბილისი-ზუგდიდი (გასვლა 08:30 სთ, ზუგდიდში ჩასვლა 14:50 სთ; გამოსვლა ზუგდიდიდან 16:30 სთ, თბილისში ჩასვლა 22:50 სთ);
- თბილისი-ფოთი (გასვლა 18:10 სთ, ფოთში ჩასვლა 23:57 სთ; გამოსვლა ფოთიდან 09:40 სთ, თბილისში ჩასვლა 15:22 სთ).
ახალ სადგურში არ გაჩერდება თბილისი-ქუთაისის მატარებელი, რადგან ბოლო გაჩერება სადგურ “რიონშია”, რომლის შემდეგაც არის გაჩერება “ქუთაისის აეროპორტი”.
აეროპორტში მოსახვედრად ბილეთის შეძენისას სადგურ “ქუთაისის აეროპორტის” მონიშვნა იქნება უცილებელი.
