ალბათ, მორიგი 2%-იანი პარტია შეიქმნა, – ასე გამოეხმაურა პრემიერ-მინისტრი ირაკლი კობახიძე ნიკა გვარამიასა და ნიკა მელიას გაერთიანებას.
როგორც კობახიძე განმარტავს, აღნიშნული გაერთიანება ხმებს „ნაციონალურ მოძრაობას“ წაართმევს.
„რაც მეტი 2-3%-იანი პარტია შეიქმნება, მით უკეთესი ჩვენი საბოლოო შედეგისთვის. შეიქმნა მორიგი ალბათ, 2%-იანი პარტია, ეს 2% საბოლო ჯამში „ნაცმოძრაობას“ დააკლდება, ეს კარგია იმისათვის, რომ ჩვენ საბოლოოდ საკონსტიტუციო უმრავლესობა მივიღოთ პარლამენტში“, – განაცხადა კობახიძემ.
