შეერთებულ შტატებში შესაძლოა TikTok-ი აიკრძალოს – შესაბამისი კანონპროექტი წარმომადგენელთა პალატამ უკვე მიიღო.
კანონპროექტი სოციალურ ქსელს 5 თვეს აძლევს, მისი შემქმნელი ჩინური კომპანიიდან “ბაიტ დენსიდან” ჩამოშორებისთვის. წინააღმდეგ შემთხვევაში, მთელი ქვეყნის მასშტაბით, აპლიკაციების მაღაზიებს აეკრძალებათ თავიანთ პლატფორმებზე TikTok-ის განთავსება.
გაურკვეველია, რა ბედი ელის კანონპროექტს სენატში, თუმცა ცნობილია, რომ ამერიკის პრეზიდენტი დოკუმენტზე ხელმოწერისთვის მზად არის.
