მსოფლიო კულინარიის ვარსკვლავმა, ჯეიმი ოლივერმა საქართველოს გასტრონომიული ტურიზმის შესახებ კამპანია დაიწყო, – ინფორმაციას ტურიზმის ეროვნული ადმინისტრაცია ავრცელებს.
“თუ აქამდე ქართული სამზარეულოს შესახებ არაფერი გსმენიათ, მოემზადეთ, თქვენთვის რაღაც განსაკუთრებული გვაქვს! შემოუერთდით ჯეიმი ოლივერს! ის ფხალს და ქართულ ტრადიციულ შოთის პურს აგემოვნებს. ჯეიმი ოლივერი საქართველოს უნიკალურ და უძველესს ღვინის კულტურას იკვლევს”, – აღნიშნულია აღწერაში, რომელიც ჯეიმი ოლივერის ფეისბუქგვერდზე გამოქვეყნებულ ვიდეორგოლს ახლავს და რომლის თარგმანსაც ტურიზმის ეროვნული ადმინისტრაცია აქვეყნებს.
