ბათუმში მოსულმა უხვმა ნალექმა ქალაქის სხვადასხვა ლოკაციაზე გარკვეული შეფერხებები გამოიწვია.- ამის შესახებ ინფორმაციას ბათუმის მერია ავრცელებს.
დაიტბორა ქუჩები, ასევე, დატბორილია რამდენიმე მისამართზე საცხოვრებელი სახლების სარდაფებიც.
“ასევე გართულებული იყო სატრანსპორტო მოძრაობა. ბათუმის მერიის შესაბამისი სამსახურის თანამშრომლების მიერ, ამ დრომდე ინტენსიურად იწმინდება სანიაღვრე ჭები და ზღვაში გამსვლელი არხები. ამ ეტაპზე მდგომარეობა სტაბილურია.
საგანგებო რეჟიმში მუშაობს მერიის ყველა შესაბამისი სამსახური. ადგილზე იმყოფება ბათუმის მერი არჩილ ჩიქოვანი”, – ნათქვამია ინფორმაციაში.