ცესკომ საზღვარგარეთ მყოფი ამომრჩევლების შესახებ მონაცემები დაამუშავა. ამ დროისთვის საზღვარგარეთ ხმის მიცემის უფლების მქონე 95 834 ამომრჩეველია. უწყება ასევე დამატებით საარჩევნო უბნების გახსნას განიხილავს, კერძოდ, საუბარია დამატებით 7 უბნის გახსნის შესახებ.
კანონმდებლობის თანახმად, საზღვარგარეთ საარჩევნო უბანი იქმნება საკონსულო აღრიცხვაზე მყოფი არანაკლებ 50 და არაუმეტეს 3 000 ამომრჩევლისთვის. სხვა რეგულაციებს საქართველოს საარჩევნო კანონმდებლობა საზღვარგარეთ მყოფი საქართველოს მოქალაქეების არჩევნებში მონაწილეობასთან დაკავშირებით არ ითვალისწინებს. ასევე აღსანიშნავია, რომ სხდომაზე აპირებენ განიხილონ ისრაელში უკვე გახსნილი საარჩევნო უბნის საკითხი.
