ნიკოლოზ ბასილაშვილმა იაპონიის ქალაქ მაცუიამაში მიმდინარე ჩელენჯერის ტურნირზე ასპარეზობა მერვედფინალურ ეტაპზე დაასრულა.
ქართველი იაპონელ ჩოგბურთელ შინტარო მოჩიზუკისთან ორ სეტში – 4:6, 4:6 დამარცხდა.
შეგახსენებთ, რომ გასულ კვირას ბასილაშვილმა სამხრეთ კორეის დედაქალაქ სეულში ჩატარებული ჩელენჯერის ტურნირი მოიგო და მსოფლიო რეიტინგში 215-ე ადგილზე გადაინაცვლა.
წლის ბოლომდე ნიკოლოზი კიდევ რამდენიმე ჩელენჯერზე მიიღებს მონაწილეობას. ის, სავარაუდოდ, 2025 წლიდან ATP-ის უმაღლესი კატეგორიების შეჯიბრებებზე გამოჩნდება.
