საქართველოს ტექნიკური უნივერსიტეტის მთის მდგრადი განვითარების ფაკულტეტის პროფესორ-მასწავლებლებმა და სტუდენტებმა ქვემო ქართლის მთიან რეგიონში საველე ექსპედიცია განახორციელეს. ინფორმაციას საქართველოს ტექნიკური უნივერსიტეტი ავრცელებს.
სტუ-ის ცნობით, მთის მდგრადი ტურიზმისა და მასპინძლობის მენეჯმენტის საბაკალავრო საგანმანათლებლო პროგრამის სტუდენტები, საველე პრაქტიკის ფარგლებში, საქართველოს ეროვნული მუზეუმის დმანისის მუზეუმ-ნაკრძალსა და საქართველოს ერთ-ერთ უძველეს, მე-5 საუკუნით დათარიღებულ ბოლნისის სიონს ეწვივნენ.
