რუსეთის მიერ ოკუპირებულ აფხაზეთში ოპოზიციის მომხრეებმა კოდორის ხიდი ისევ გადაკეტეს.
ადგილობრივი ოპოზიციის წარმომადგენლის, ლევან მიქაას თქმით, დე ფაქტო ხელისუფლებამ არ შეასრულა დაპირება, რომ დაკავებულ ოპოზიციონერებს ათ საათზე გაათავისუფლებდა. ამ დროისთვის სოხუმისკენ მიმავალი სამივე ხიდი ჩაკეტილია: კოდორის, გუმისთისა და ქვემო გუმისთის ხიდები.
ცოტა ხნით ადრე გავრცელდა ინფორმაცია, რომ ოჩამჩირის რაიონის სოფელ აძიუბჟას მიმდებარედ მდებარე კოდორის ხიდი ოპოზიციამ გახსნა აფხაზეთის დე ფაქტო პარლამენტის დეპუტატ ბესლან ემურხბასთან და ოჩამჩირის რაიონის გამგებელ ბესლან ბიგვავასთან მოლაპარაკების და დაკავებულების გათავისუფლების დაპირების შემდეგ.
ცნობისთვის, გერმანიის პარლამენტის (ბუნდესტაგის) საგარეო ურთიერთობათა კომიტეტის თავმჯდომარე მიხაილ როთმა ტელეკომპანია „პალიტრანიუსთან“ ინტერვიუში აღნიშნა, რომ ის კატეგორიული წინააღმდეგი იყო საქართველოსთვის უვიზო რეჟიმის შეჩერების, მაგრამ პოზიცია შეიცვალა. მისივე თქმით, საქართველოს მთავრობამ უნდა გადაიხადოს ფასი. როგორც როთი აღნიშნავს, არ შეიძლება საქართველომ ორ სამყაროში იცხოვროს.
