კომპანია Tesla-ს და SpaceX-ის აღმასრულებელი დირექტორი და დონალდ ტრამპის ადმინისტრაციაში აშშ-ის მთავრობის ეფექტურობის დეპარტამენტის ხელმძღვანელი, ილონ მასკი აცხადებს, რომ ისინი აშშ-ის საგარეო დახმარების სააგენტო USAID-ის დახურვაზე მუშაობენ, – ინფორმაციას Reuters-ი ავრცელებს.
„ის შეკეთებას არ ექვემდებარება“, – აღნიშნა მასკმა და დასძინა, რომ დონალდ ტრამპი USAID-ის დახურვას ეთანხმება.
მასკმა ეს კომენტარი მთავრობის ეფექტურობის დეპარტამენტის (DOGE) მუშაობის შედეგების განხილვის დროს გააკეთა.
Reuters-მა გუშინ გაავრცელა ინფორმაცია და განაცხადა, რომ ტრამპის ადმინისტრაციამ შაბათ-კვირას USAID-ის უსაფრთხოების სამსახურის ორი მაღალი თანამდებობის პირი გაათავისუფლა მას შემდეგ, რაც ისინი შეეცადნენ მთავრობის ეფექტურობის დეპარტამენტის წარმომადგენლებისთვის შენობის გარკვეულ ნაწილებზე წვდომა შეეზღუდათ.
კომპანია SpaceX-ის დამფუძნებელმა და ტრამპის ადმინისტრაციაში აშშ-ის მთავრობის ეფექტურობის დეპარტამენტის ხელმძღვანელმა, ილონ მასკმა განაცხადა, რომ USAID-ი კრიმინალური ორგანიზაციაა.
„USAID-ი კრიმინალური ორგანიზაციაა. დროა ის მოკვდეს“, – დაწერა ილონ მასკმა პლატფორმა X-ზე.
USAID is a criminal organization.
— Elon Musk (@elonmusk) February 2, 2025
Time for it to die. https://t.co/sWYy6fyt1k
