ევროკომისიის პრეზიდენტის, ურსულა ფონ დერ ლაიენის განცხადებით, სისხლის სამართლის საერთაშორისო სასამართლოს გლობალური დაუსჯელობის წინააღმდეგ ბრძოლა თავისუფლად უნდა შეეძლოს.
„სისხლის სამართლის საერთაშორისო სასამართლო საერთაშორისო დანაშაულებისთვის პასუხისმგებლობის დაკისრებას უზრუნველყოფს და აწვდის ხმას მსხვერპლებს მთელ მსოფლიოში. მას თავისუფლად უნდა შეეძლოს გლობალური დაუსჯელობის წინააღმდეგ ბრძოლა. ევროპა ყოველთვის მხარს დაუჭერს სამართლიანობას და საერთაშორისო სამართლის პატივისცემას“, – წერს ურსულა ფონ დერ ლაინი სოციალური მედიის პლატფორმა X-ზე.
The ICC guarantees accountability for international crimes and gives a voice to victims worldwide.
— Ursula von der Leyen (@vonderleyen) February 7, 2025
It must be able to freely pursue the fight against global impunity.
Europe will always stand for justice and the respect of international law.
შეგახსენებთ, აშშ-ის პრეზიდენტმა, დონალდ ტრამპმა ხელი მოაწერა აღმასრულებელ ბრძანებას სისხლის სამართლის საერთაშორისო სასამართლოს დასანქცირების შესახებ. აღმასრულებელ ბრძანებაში აღნიშნულია, რომ სასამართლო ახორციელებს არალეგიტიმურ და უსაფუძვლო ქმედებებს, რომლის სამიზნეც შეერთებული შტატები და მისი მოკავშირე ისრაელია. ბრძანების თანახმად, სანქციები ითვალისწინებს ფინანსური და სავიზო შეზღუდვების დაწესებას იმ პირებსა და მათ ოჯახებზე, რომლებიც ხელს უწყობენ სისხლის სამართლის საერთაშორისო სასამართლოს გამოძიებას ამერიკის შეერთებული შტატების მოქალაქეების ან მოკავშირეების წინააღმდეგ.