საქართველოს პარლამენტის შენობის წინ, 9 აპრილის მემორიალთან, სასულიერო პირებმა 9 აპრილს დაღუპულთა სულის მოსახსენიებელი პარაკლისი გადაიხადეს და მათ ხსოვნას პატივი მიაგეს.
ამჟამად მოქალაქეები სიტყვით გამოდიან და 9 აპრილს იხსენებენ.
მოქალაქეები 9 აპრილის მემორიალთან დღეს დილიდან შეიკრიბნენ.
მათ მემორიალთან ე.წ. ცოცხალი კედელი აღმართეს და საჯარო მოხელეებს არ აძლევდნენ საშუალებას, რომ მემორიალთან მისულიყვნენ. ისინი სკანდირებდნენ: “რუსებო, მონებო, წადით!”. პარლამენტთან სიტუაცია რამდენჯერმე დაიძაბა. ადგილზე მობილიზებულია პოლიცია.
